Ձգտելով որակի կատարելության
«Տ.Ա.Մ.-ԳՐԵՅՆ» ՍՊԸ-ն` բոլորին հայտնի որպես «Էջմիածնի Ալրաղաց», իր գործունեությունը սկսել է դեռևս 1998թ.-ին` որպես ալյուր արտադրող և ցորեն ներկրող ընկերություն` այս 23 տարիների ընթացքում արդյունավետ ղեկավարման, գրագետ կազմակերպման և տարիների փորձառություն ունեցող մասնագետների շնորհիվ ոչ միայն կարողացել է ամրապնդել իր դիրքերը հայաստանյան շուկայում, բացել սեփական վաճառակետերը, ընդլայնել իր արտադրանքը՝ ցորեն, գարի, ֆուրաժային ցորեն, եգիպտացորեն, այլև հաստատել է գործընկերական կապեր այնպիսի ոլորտներում, ինչպիսիք են՝ ռեստորանային բիզնեսը, խմորի և փռերի արտադրամասերը, անասնապահական տնտեսությունները (ներկրում է անասանակերերի համար նախատեսված հումք), մեծածախ և մանրածախ առևտրի լայն շրջանակները:
Այսօր «Տ.Ա.Մ.-ԳՐԵՅՆ» ՍՊԸ-ն դինամիկ զարգացող, ընդլայնվող ընկերություն է և ոլորտում ունենալով մեծ փորձ՝ ձգտում է էլ ավելի բարձրացնել իր արտադրանքի որակը և համապատասխանել ժամանակակից շուկայի պահանջներին: Ընկերությունը վերազինված է ժամանակի պահանջներին համապատասխան նորագույն սարքավորումներով:
Քաշ 25 կգ/պարկ
Քաշ 5, 10, 25 կգ/պարկ
Քաշ 5, 10, 25 կգ/պարկ
Քաշ 25 կգ/պարկ
Ալյուրը ստացված է ամբողջահատիկ, նորագույն տեխնոլոգիաներով զտված, և միայն առողջ ցորեններից: Մեր առաջարկած ամբողջահատիկ ցորենի ալյուրը չի պարունակում հավելյալ խառնուրդներ, փոխարենը պահպանում է օրգանիզմի համար ցորենի բոլոր օգտակար հատկանիշները: Մեր առաջարկած ամբողջահատիկ ցորենի ալյուրից առանց բարելավիչների, հավելյալ ներկանյութերի և վիտամինների ստացվում է բնական, փափուկ, չփշրվող, լավ բարձրացող մուգ գույնի (սև) հաց: Ինչպես նաև այս ալյուրի խառնուրդով կարելի է պատրաստել տարբեր հացատեսակներ` ապահովելով յուրահատուկ նուրբ համ ու հոտ, որոնք չեն կորցնի իրենց օգտակար հատկանիշները անգամ 4-5 օր անց: Այս ամենը հաշվի առնելով` բալանսավորված և լիարժեք սննդի դեպքում, ըստ սննդագետի, օրական մինչև 150-200 գրամի չափով կարելի է ներառել ամբողջահատիկ ցորենի ալյուրի հացը։ Ի դեպ, պետք չէ խաբնվել հայաստանյան շուկայում վաճառվող հացի մուգ գույնի, դա ամենևին էլ չի նշանակում, որ հացը պատրաստված է ցածր կարգի ալյուրից։ Պետք է ուշադիր կարդալ մակնշումը: Հաճախ մարդկանց թվում է, որ իրենք ձեռք են բերում սև հաց, շատերը չեն հասկանում մակնշման վրա եղած «ցորեն Բ/Տ» գրությունը։ Իսկ դա նշանակում է, որ հացը պատրաստված է բարձր տեսակի ալյուրից` հետևաբար մուգ գույնը ստացել են ներկանյութի օգնությամբ։ Ստացվում է, դիաբետով հիվանդի համար ձեռք են բերում իբր օգտակար սև հաց, բայց պարզվում է, որ այն ոչ միայն ցածր կարգի ալյուրից չէ, այլև ներկանյութ է պարունակում։ Ամբողջահատիկ ցորենի ալյուրի հացը օրգանիզմի վրա չի թողնում նույն ազդեցությունն ու հետևանքները, ինչ բարձր կարգի ցորենի ալյուրը։ Բարձր կարգի ցորենի ալյուրից պատրաստված հացն իր կալորիականությամբ բարձր է, քան ամբողջահատիկ ցորենի ալյուրի հացը, բացի այդ, ամբողջահատիկ ցորենի ալյուրի հացի օգտագործման դեպքում մարսելիությունը շատ ավելի լավ է։
Ամբողջահատիկ ցորենի ալյուրից թխված հացի օգտագործումը խորհուրդ են տալիս նաև սննդագետները և դիետոլոգները: Ամբողջահատիկ ցորենի ալյուրի հացն ավելի օգտակար է, արյան պարունակության պիկեր չի առաջացնում, ունի համեմատաբար ցածր գլիկեմիկ ինդեքս, պարունակում է չլուծվող թաղանթանյութ, որը դրական ազդեցություն է թողնում նյութափոխանակության և աղեստամոքսային տրակտի աշխատանքի կարգավորման համար և չի նպաստում ավելորդ քաշին աճին:
Քաշ 5, 10, 25 կգ/պարկ
Շերտախմորի ալյուրով պատրաստված խմորը`
- պահպանում է իր ձևը և ծավալը սառեցման և հալեցման ընթացքում
- այն հեշտ է գրտնակել
- հարմար է մեքենայացված տեխնիկայի համար՝ այն ունի օպտիմալ էլաստոպլաստիկ ռեոլոգիական հատկություններ
- ունի հեղուկը կլանելու լավ հատկություն։
Քաշ 5, 10, 25 կգ/պարկ
Ապահովում է՝
- խմորի պլաստիկությունն ու առաձգականությունը,
- եփման լավ հատկությունները,
- ճաքերի կանխարգելումը,
- չորության և կոշտության բացակայությունը,
- կայուն և միատարր խմորի կառուցվածքը: